Дозлогч конвейор

Савалгаагүй бүтээгдэхүүн гэж байхаа больжээ. Гэтэл савалгаа хийх амархан мэт санагдавч, нэг төрлийн үйлдлийг олон давтан хийх нь тийм сонирхолтой ажил биш. Ялангуяа хүнсний бүтээгдэхүүнийг гараар савлах нь эрүүл ахуйн шаардлагад нийцдэггүй. Өдөрт 5000 ширхэгээс дээш тооны бүтээгдэхүүн жинлэж савлана гэвэл гар ажиллагаа бүр бүтэхгүй. Нэг ажилчин зогсоо зайгүй робот шиг ажиллаж байж энэ савалгааг хийнэ. Тэр ажилчин сард 2000 юань (Хятад улсад мэрэгжлийн бус ажилчинд өгдөг доогуур цалин) авна гэвэл жилд 24000 юаний цалинг чамлан байж л авна.

Харин автомат тоног төхөөрөмжөөр савалгаа хийвэл, 14000 юаньд савлагч машиныг нь дозлогч конвейортойгоо нийлүүлэгдэнэ. Аль нь ашигтай байна даа?

Ер нь үйлдвэрлэлийг механикжуулж, зардлыг багасгана гэдэг үүнийг л хэлээд байгаа юм. Манайхан жижгээс эхэлж байна гээд өдөрт 1000 хүрэхгүй тооны бүтээгдэхүүн үйлдвэрлэх тухай бодож тархиа гашилгадаг. Тийм үйлдвэрүүдийн тооцоонд хэзээ ч ашиг харагддаггүй болохоор тэд шантардаг.

Үйлдвэр хир сайн тоног төхөөрөмжөөр тоноглогдож, хүнд хөдөлмөрийг механикжуулна! Тэр хэмжээгээрээ орлого ашиг нь нэмэгдэж, ажилчид нь ажиллах урам зоригтой байдаг. Сайхан тоноглогдсон үйлдвэрт хүн ажиллах дуртай.

Тийм болохоор Монголчууд Солонгос руу хошуураад байгаа юм. Тэнд үйлдвэрлэлийн бүх дамжлага механикжсан байдаг. Тэгээд ч үйлдвэрийн хүчин чадал өндөр болохоор ажилчдын цалин өндөр байдаг. Манайд эсрэгээрээ. Гар ажиллагаа нь хүнд хүчир, ашиг муутай үйлдвэр цалингаа дийлдэггүй болохоор ажиллах хүн олдохгүй байгаа юм.

Учир иймд би үйлдвэрлэлийг механикжуулах гол тоноглол болох конвейоруудыг сайт дээрээ түлхүү танилцуулж байгаа юм. Үйлдвэрийг механикжуулна, автоматжуулна гэдэг бол бидний амьдарч байгаа эрин үеийн давуу тал шүү.

Энд танилцуулж байгаа тоног төхөөрөмж зөвхөн савалгаанд хэрэглээд зогсдог зүйл биш. Аливаа үйлдвэрлэлийг механикжуулахад чухал үүрэг гүйцэтгэнэ. Тоног төхөөрөмжийн цувраа дамжлагуудын хооронд автоматжуулалт хийхэд дозлогч конвейор чухал үүрэг гүйцэтгэхээс гадна нэгээс илүү хүний ажлыг дангаараа гүйцэтгэдэг. Ингэхээр ажиллах хүч хэмнэхээс гадна үйлдвэрлэлийн зогсолтгүй ажиллах горим алдагддаггүй.

• Загвар: TD
• Төхөөрөмжийн нэр: Bucket feeder - Дозлогч конвейор
• Зориулалт: Хуурай болон жижиг ширхэглэг бүтээгдэхүүн
• Материал: Хүнсний үйлдвэрлэлийн зориулалтын үл зэврэх ган
• Амсарын хэмжээ: 82*82см
• Цахилгаан хэрэглээ: 220 вольт
• Чанарын гэрчилгээ: ISO9001
• Овор хэмжээ: 210*82*283 см (Урт*өргөн*өндөр)

Үйлдвэрээс Эрээн хүртэл тээврийн зардлыг үйлдвэр хариуцна.

Үйлдвэр дээр эдгээр бүтээгдэхүүн бэлэн байгаа тул захиалга өгсөнөөс хойш 7 хоногын дотор Эрээн хотод ирнэ.

Та бүтээгдэхүүнийг Эрээн хотод манай төлөөлөгчийн газраас хүлээн авч болох бөгөөд хүсвэл бид Улаанбаатар хот руу каргогоор илгээж болно.